கூகுள் கணக்கிற்கு இனி ‘செல்ஃபி வீடியோ’ சரிபார்ப்பு வசதி!

கூகுள் பயனாளி தனது கணக்கின் கடவுச்சொல்லை மறந்துவிட்டாலோ அல்லது வழக்கமாகப் பயன்படுத்தும் மொபைல் சாதனம் கையில் இல்லாதபட்சத்திலோ, கணக்கை எளிதாக மீட்டெடுக்க (Account Recovery) ‘செல்ஃபி வீடியோ’ (Selfie Video) மூலம் சரிபார்க்கும் அதிநவீன புதிய வசதியை கூகுள் (Google) நிறுவனம் அறிமுகப்படுத்தியுள்ளது.

இந்த புதிய பாதுகாப்பு அமைப்பின் படி, பயனர்கள் முதலில் பதிவு செய்து வைக்கும் செல்ஃபி வீடியோவுடன், கணக்கை மீட்டெடுக்கும் போது புதிதாகப் பதிவு செய்யப்படும் வீடியோ ஒப்பீடு செய்யப்பட்டுப் பயனரின் உண்மை அடையாளம் துல்லியமாகச் சரிபார்க்கப்படும். மேலும், டீப்ஃபேக் (Deepfake) வீடியோக்கள் மற்றும் ஆள்மாறாட்ட மோசடிகளைத் தடுக்கும் பொருட்டு, நேரடி முக அசைவுகளும் (Live Check) இந்தச் சரிபார்ப்பில் கண்காணிக்கப்படும்.

பயனர்களின் தனிப்பரிவு மற்றும் பாதுகாப்பிற்கு முன்னுரிமை அளிக்கும் வகையில், இந்தச் செல்ஃபி வீடியோ பயனரின் முழு ஒப்புதலுடன் மட்டுமே சேமிக்கப்படும் என்றும், கூகுள் கணக்கு (Google Account) அமைப்புகளுக்குச் சென்று எப்போது வேண்டுமானாலும் அதனை நீக்கிக் கொள்ளலாம் என்றும் தெரிவிக்கப்பட்டுள்ளது. ஏற்கனவே நடைமுறையில் உள்ள பாஸ்கீ (Passkey) மற்றும் ரிக்கவரி காண்டாக்ட் (Recovery Contact) போன்ற பாதுகாப்பு முறைகளுக்குக் கூடுதல் அரணாக, தகுதியுள்ள கூகுள் கணக்குகளுக்கு இந்த வசதி படிப்படியாக அறிமுகப்படுத்தப்பட்டு வருகிறது.