ரூ.1.06 லட்சத்தை எட்டிய தங்கம்!

சர்வதேசச் சந்தை மாற்றங்கள் மற்றும் தேவைகளின் அடிப்படையில் இந்தியாவில் தங்கம் விலை தொடர்ந்து ஏற்ற இறக்கத்தைச் சந்தித்து வரும் நிலையில், சென்னையில் இன்று ஆபரணத் தங்கத்தின் விலை மீண்டும் உயர்ந்துள்ளது.

இன்றைய நிலவரப்படி, சென்னையில் ஆபரணத் தங்கத்தின் விலை சவரனுக்கு ரூ.240 உயர்ந்து, ஒரு சவரன் ரூ.1,06,000-க்கு விற்பனை செய்யப்படுகிறது. அதேபோல், கிராம் அளவில் ரூ.30 உயர்ந்து, ஒரு கிராம் ஆபரணத் தங்கம் ரூ.13,250-க்கு விற்பனையாகி வருகிறது.

அதேவேளையில், சில்லறை வர்த்தகத்தில் வெள்ளியின் விலையில் எந்த மாற்றமும் இல்லாமல் நேற்றைய நிலவரமே நீடிக்கிறது. சென்னையில் ஒரு கிராம் வெள்ளி மாற்றமின்றி ரூ.235-க்கு விற்பனை செய்யப்படுகிறது. வாரத்தின் தொடக்கத்திலேயே தங்கத்தின் விலை மீண்டும் உயர்வுப் பாதையை நோக்கிச் சென்று கொண்டிருப்பது நகைப் பிரியர்கள் மற்றும் முதலீட்டாளர்களிடையே கவனத்தைப் பெற்றுள்ளது.