அதிரடியாகக் குறைந்த தங்கம் விலை!

கடந்த சில தினங்களாக உயர்ந்து வந்த தங்கத்தின் விலை இன்று அதிரடியாகக் குறைந்துள்ளதால் நகை வாங்குவோரும், பொதுமக்களும் மகிழ்ச்சியடைந்துள்ளனர். சர்வதேசச் சந்தை நிலவரங்கள் மற்றும் ஆபரணத் தங்கத்திற்கான தேவை குறைவு ஆகியவற்றின் காரணமாகச் சென்னையில் இன்று தங்கம் மற்றும் வெள்ளி விலையில் கணிசமான சரிவு ஏற்பட்டுள்ளது.

இன்றைய வர்த்தக நிலவரப்படி, சென்னையில் ஆபரணத் தங்கத்தின் விலை சவரனுக்கு ரூ.1,240 அதிரடியாகக் குறைந்து, ஒரு சவரன் ரூ.1,05,720-க்கு விற்பனை செய்யப்படுகிறது. அதேபோல், கிராமுக்கு ரூ.155 குறைந்து, ஒரு கிராம் ஆபரணத் தங்கம் ரூ.13,215-க்கு விற்பனையாகி வருகிறது.

தங்கத்தின் விலையைத் தொடர்ந்து, வெள்ளி விலையிலும் இன்று சரிவு காணப்படுகிறது. சென்னையில் சில்லறை வர்த்தகத்தில் வெள்ளி விலை கிராமுக்கு ரூ.5 குறைந்து, ஒரு கிராம் ரூ.235-க்கு விற்பனை செய்யப்படுகிறது. தங்கம் மற்றும் வெள்ளி விலை ஒரே நாளில் கணிசமாகக் குறைந்துள்ளது நகைப் பிரியர்களிடையே பெரும் வரவேற்பைப் பெற்றுள்ளது.