தமிழ்நாட்டில் 20,000 பொது EV சார்ஜிங் நிலையங்கள்: முதல்வர் விஜய் அதிரடி!

தமிழ்நாட்டில் எலக்ட்ரிக் வாகனங்களின் (EV) பயன்பாட்டை அடுத்த கட்டத்திற்குத் கொண்டு செல்லும் நோக்கில், மாண்புமிகு முதலமைச்சர் திரு. ச. ஜோசப் விஜய் அவர்களின் தலைமையிலான தமிழக அரசு அதிரடியான மெகா திட்டம் ஒன்றை வகுத்துள்ளது. மாநிலத்தில் பசுமைப் போக்குவரத்தை ஊக்குவிக்கும் வகையில், வரும் 2031ஆம் ஆண்டிற்குள் ஒட்டுமொத்த தமிழ்நாடு முழுவதும் சுமார் 20,000 பொது EV சார்ஜிங் நிலையங்களை (Public EV Charging Stations) அமைக்க அரசு அதிகாரப்பூர்வமாகத் திட்டமிட்டுள்ளது.

தற்போதைய புள்ளிவிவரங்களின்படி, தமிழ்நாட்டில் நாளொன்றுக்குச் சராசரியாக 520-க்கும் மேற்பட்ட புதிய எலக்ட்ரிக் வாகனங்கள் பதிவு செய்யப்பட்டு வருகின்றன. இருப்பினும், தற்போதைய சூழலில் ஒரு பொது சார்ஜிங் நிலையத்திற்கு 24 வாகனங்கள் என்ற விகிதத்திலேயே உள்கட்டமைப்பு வசதி உள்ளது. இந்த இடைவெளியைக் குறைத்து, வாகன ஓட்டிகளின் ‘ரேஞ்ச் ஆன்சைட்டி’ (Range Anxiety) எனப்படும் பயத்தைப் போக்கவே இந்த புதிய உள்கட்டமைப்பு விரிவாக்க நடவடிக்கை எடுக்கப்பட்டுள்ளது.

இந்த பிரம்மாண்ட சார்ஜிங் ஸ்டேஷன்களை அமைக்கும் பணிகளை எவ்விதத் தாமதமும் இன்றி விரைவுபடுத்தத் தமிழக அரசு பல்வேறு சலுகைகளையும் அறிவித்துள்ளது. அதன்படி, சார்ஜிங் நிலையங்களை அமைக்க முன்வரும் தனியார் நிறுவனங்களுக்கு எளிய முறையில் அனுமதி வழங்கும் வகையில் ‘ஒற்றைச் சாளர முறை’ (Single Window System) அமல்படுத்தப்பட உள்ளது. இதன் மூலம் நிறுவனங்கள் மிக வேகமாகத் தங்களது அனுமதிகளைப் பெற்றுப் பணிகளைத் தொடங்க முடியும்.

மேலும், எலக்ட்ரிக் வாகன ஓட்டிகள் தங்களுக்கு அருகில் இருக்கும் சார்ஜிங் மையங்களை மிக எளிதாகக் கண்டறியும் வகையில், அனைத்து பொது சார்ஜிங் நிலையங்களையும் ‘கூகுள் மேப்ஸ்’ (Google Maps) செயலியில் ஒருங்கிணைத்துக் காட்டவும் தமிழக அரசு சிறப்பு நடவடிக்கைகளை மேற்கொண்டு வருகிறது. அரசின் இந்த அதிரடித் திட்டம் எதிர்காலத்தில் தமிழ்நாட்டை இந்தியாவின் முதன்மையான எலக்ட்ரிக் வாகன மையமாக மாற்றும் என எதிர்பார்க்கப்படுகிறது.