குட் பேட் அக்லி: கொண்டாடும் அஜித் ரசிகர்கள்.. X தளத்தில் தெறிக்கும் பாராட்டும் விமர்சனமும்!

அஜித் குமார் ரசிகர்களால் மிகவும் எதிர்பார்க்கப்பட்ட குட் பேட் அக்லி (Good Bad Ugly – GBU) திரைப்படம், வியாழன்று திரையரங்குகளில் வெளியாகி அவர்களைக் கொண்டாட வைத்துள்ளது.

முதல் நாள் முதல் காட்சியை பார்க்க ஆர்வத்துடன் திரண்ட ரசிகர்கள், சமூக ஊடகங்களில் தங்கள் கருத்துகளை பகிர்ந்து வருகின்றனர். எக்ஸ் (Twitter) தளத்தில் #GoodBadUgly ஹேஷ்டேக் வேகமாக டிரெண்டாகி, ரசிகர்கள் படத்தின் பலம் மற்றும் பலவீனங்களைப் பற்றி விவாதித்து வருகின்றனர். அஜித்தின் மாஸ் நடிப்பு பலரை கவர்ந்தாலும், திரைக்கதையின் பலவீனம் குறித்து சிலர் ஏமாற்றம் தெரிவித்துள்ளனர்.

‘மங்காத்தா படத்தை விட சிறப்பு’

ட்விட்டரில் பல ரசிகர்கள் GBU படத்தை “கடந்த 12-14 ஆண்டுகளில் அஜித் குமாரின் சிறந்த பொழுதுபோக்கு படம்” என்று புகழ்ந்துள்ளனர். “முதல் 5 நிமிடங்கள் கொஞ்சம் மெதுவாக இருந்தாலும், அதன் பிறகு மாஸ் மாஸ் மாஸ் தான்,” என்று ஒரு ரசிகர் பதிவிட்டுள்ளார். “#மங்காத்தா படத்தை விட சிறப்பாக உள்ளது” என்று மற்றொருவர் குறிப்பிட்டுள்ளார். அஜித்தின் வழக்கமான மாஸ் நுழைவு காட்சி, பஞ்ச் வசனங்கள், பாடல்கள் மற்றும் அதிரடி சண்டைக் காட்சிகள் ரசிகர்களை உற்சாகப்படுத்தியுள்ளன. “விண்டேஜ் அஜித் குமார் திரும்பி வந்திருக்கிறார், ஆனால் கதை மெலிசாக உள்ளது,” என்று ஒரு பதிவு படத்தின் பலம் மற்றும் பலவீனத்தை சுட்டிக்காட்டுகிறது.

இயக்குநர் ஆதிக் ரவிச்சந்திரனுக்கு பாராட்டுகள் குவிந்துள்ளன. “ஓ மை காட்! என்ன ஒரு திரைக்கதை மாமே. தல ரசிகர்களாகிய நாங்கள் உங்கள் காலடியில் சரணடைகிறோம். நீங்கள் தான் உண்மையான ரசிகர்,” என்று ஒரு ரசிகர் உணர்ச்சி பொங்க பதிவிட்டார். அஜித்தின் தோற்றமும் பெரிதாக பேசப்பட்டது. “கடந்த 14 ஆண்டுகளில் அஜித் சாரின் சிறந்த தோற்றம். நம்முடைய அழகிய ஹல்க் திரும்பி வந்துவிட்டார்,” என்று மற்றொரு ரசிகர் மகிழ்ச்சியை வெளிப்படுத்தி உள்ளார்.

அதிரடி, நகைச்சுவை

“GBU ஒரு கிரைம் பாஸை மையமாகக் கொண்ட அதிரடி திரில்லர்” என்று ரசிகர்கள் குறிப்பிடுகின்றனர். “ஒரு கிரைம் பாஸின் மகன் கடத்தப்பட்ட பிறகு அவர் பழிவாங்கும் வன்முறைப் பயணம் தான் கதை. அதிரடி, நகைச்சுவை மற்றும் பொழுதுபோக்கு கலந்து பார்வையாளர்களை கட்டிப்போடுகிறது. #அஜித்குமார் தீவிரமான நடிப்பு அபாரம்,” என்று ஒரு பதிவு விவரிக்கிறது. படத்தின் பல காட்சிகள் ரசிகர்களுக்கு ‘மாஸ் விருந்து’ என்று பாராட்டப்பட்டாலும், சிலர் கதையின் ஆழமின்மையை விமர்சித்துள்ளனர்.

திரைக்கதை ஏமாற்றமா?

எல்லா ரசிகர்களும் முழுமையாக திருப்தி அடையவில்லை. “திரைக்கதை பலவீனமாக உள்ளது,” என்று சிலர் ஏமாற்றம் தெரிவித்துள்ளனர். “அஜித்தின் மாஸ் திருப்தி அளித்தாலும், கதை இன்னும் வலுவாக இருந்திருக்கலாம்,” என்று சில ரசிகர்கள் கருத்து தெரிவித்துள்ளனர். இது போன்ற கலவையான கருத்துகள் ட்விட்டரில் படத்தைப் பற்றிய விவாதத்தை சூடுபிடிக்க வைத்துள்ளன.

மொத்தத்தில் ‘குட் பேட் அக்லி’ அஜித் ரசிகர்களுக்கு ஒரு முழுமையான பொழுதுபோக்கு அனுபவத்தை அளித்திருப்பதாக ட்விட்டர் பதிவுகள் தெரிவிக்கின்றன. அஜித்தின் தோற்றம், நடிப்பு மற்றும் அதிரடி காட்சிகள் படத்தை தூக்கி நிறுத்தினாலும், திரைக்கதையின் பலவீனம் சிலருக்கு ஏமாற்றமாக உள்ளது. #GoodBadUgly ஹேஷ்டேக் மூலம் ரசிகர்கள் தங்கள் உற்சாகத்தை தொடர்ந்து பகிர்ந்து வருகின்றனர்.

அஜித் தனது பழைய மாஸ் லுக்கிற்கு திரும்பியிருப்பதைக் கொண்டாடும் அவரது ரசிகர்களுக்கு இது ஒரு திருவிழா தான்!