தங்கம் விலை மீண்டும் உயர்வு!

சர்வதேசச் சந்தையில் நிலவும் பொருளாதார மாற்றங்கள் மற்றும் தேவைகளின் அடிப்படையில் இந்தியாவில் தங்கத்தின் விலை தொடர்ந்து ஏற்ற இறக்கங்களைக் கண்டு வருகிறது. அந்த வகையில், சென்னையில் ஆபரணத் தங்கத்தின் விலை இன்று மீண்டும் உயர்ந்துள்ளது.இன்றைய நிலவரப்படி, சென்னையில் ஆபரணத் தங்கத்தின் விலை சவரனுக்கு ரூ.200 உயர்ந்து, ஒரு சவரன் ரூ.1,06,040-க்கு விற்பனை செய்யப்படுகிறது. அதேபோல், கிராமுக்கு ரூ.25 உயர்ந்து, ஒரு கிராம் ஆபரணத் தங்கம் ரூ.13,255-க்கு விற்பனையாகி வருகிறது.கடந்த சில நாட்களாகத் தங்கத்தின் விலையில் சீரான நிலையற்ற தன்மை நிலவி வரும் சூழலில், இன்றைய இந்த விலை உயர்வு நகைப் பிரியர்கள் மற்றும் முதலீட்டாளர்களிடையே கவனத்தைப் பெற்றுள்ளது. சுபமுகூர்த்த தினங்கள் மற்றும் பண்டிகைக் காலம் நெருங்கி வரும் நிலையில், தங்கத்தின் விலை மாற்றம் தொடர்ந்து கண்காணிக்கப்பட்டு வருகிறது.