சித்தா, ஆயுஷ் படிப்புகளுக்கு விண்ணப்பிக்க ஜூலை 31 கடைசி நாள்!

தமிழகத்தில் 2026 – 2027ஆம் கல்வியாண்டிற்கான சித்தா, யுனானி, ஆயுர்வேதா மற்றும் ஓமியோபதி உள்ளிட்ட இந்திய மருத்துவ முறைப் பட்டப்படிப்புகளில் (AYUSH Courses) சேர விரும்புவோரிடமிருந்து விண்ணப்பங்கள் வரவேற்கப்படுவதாக இந்திய மருத்துவம் மற்றும் ஹோமியோபதி இயக்ககம் சார்பில் அதிகாரப்பூர்வ அறிவிப்பு வெளியாகியுள்ளது.

இப்படிப்புகளில் சேர விரும்பும் தகுதியான மாணவர்கள் பிளஸ் 2 (12-ஆம் வகுப்பு) அறிவியல் பாடப் பிரிவில் தேர்ச்சி பெற்றிருக்க வேண்டும் அல்லது தேசியத் தகுதி மற்றும் நுழைவுத் தேர்வில் (NEET) தேர்ச்சி பெற்றிருக்க வேண்டும். படிப்புகள் குறித்த விரிவானத் தகவல்கள், தகுதி வரம்புகள் மற்றும் சேர்க்கை வழிகாட்டுதல்களை www.tnayushselection.org என்ற அதிகாரப்பூர்வ இணையதள முகவரியில் சென்று அறிந்துகொள்ளலாம்.

இப்படிப்புகளுக்கான ஆன்லைன் விண்ணப்பங்களைச் சமர்ப்பிக்க வரும் ஜூலை 31-ஆம் தேதி கடைசி நாளாக நிர்ணயிக்கப்பட்டுள்ளது. எனவே, தகுதியும் ஆர்வமும் உள்ள மாணவர்கள் கடைசி நேர நெரிசலைத் தவிர்க்கும் பொருட்டு, ஜூலை 31-ஆம் தேதிக்குள் தங்களது விண்ணப்பங்களைப் பதிவு செய்து கொள்ளுமாறு இந்திய மருத்துவம் மற்றும் ஓமியோபதித் துறைச் செயலாளர் கேட்டுக்கொண்டுள்ளார்.