மீண்டும் சரிந்தது தங்கம் விலை!

தொடர்ந்து இரண்டாவது நாளாக ஆபரணத் தங்கத்தின் விலை கணிசமாகக் குறைந்துள்ளதால் நகை வாங்குவோர் மகிழ்ச்சியடைந்துள்ளனர். சர்வதேசச் சந்தையில் நிலவும் மாற்றங்கள் மற்றும் உள்நாட்டு வர்த்தகச் சூழல் காரணமாகச் சென்னையில் இன்று தங்கம் விலை மேலும் சரிவைச் சந்தித்துள்ளது.

இன்றைய நிலவரப்படி, சென்னையில் ஆபரணத் தங்கத்தின் விலை சவரனுக்கு ரூ.480 குறைந்து, ஒரு சவரன் ரூ.1,05,240-க்கு விற்பனை செய்யப்படுகிறது. அதேபோல், கிராமுக்கு ரூ.60 குறைந்து, ஒரு கிராம் ஆபரணத் தங்கம் ரூ.13,155-க்கு விற்பனையாகி வருகிறது.

அதேவேளையில், சில்லறை வர்த்தகத்தில் வெள்ளி விலையில் இன்று எந்த மாற்றமும் இல்லாமல் நேற்றைய நிலையே தொடர்கிறது. சென்னையில் ஒரு கிராம் வெள்ளி மாற்றமின்றி ரூ.235-க்கு விற்பனை செய்யப்பட்டு வருகிறது. கடந்த இரு தினங்களில் தங்கத்தின் விலை சவரனுக்குக் கணிசமாகக் குறைந்துள்ளது, வரவிருக்கும் சுபமுகூர்த்த தினங்களை முன்னிட்டு நகை வாங்கத் திட்டமிட்டிருப்பவர்களுக்குச் சிறந்த வாய்ப்பாக அமைந்துள்ளது.