சவரன் ரூ.1,08,000-க்கு விற்பனை: சென்னையில் தங்கம் விலை உயர்வு!

சர்வதேசச் சந்தையில் ஏற்ப்பட்டு வரும் பொருளாதார மாற்றங்கள் மற்றும் வர்த்தகத் தாக்கங்களின் காரணமாக, தங்கத்தின் விலை தொடர்ந்து உயர்ந்து புதிய சாதனைகளைப் படைத்து வருகிறது. தமிழகத்தின் தலைநகரான சென்னையில் ஆபரணத் தங்கத்தின் விலை இன்று மீண்டும் சவரனுக்கு ரூ.560 உயர்ந்துள்ளதால், நகைக் கடைகளுக்குச் செல்லும் வாடிக்கையாளர்கள் மற்றும் பொதுமக்கள் பெரும் அதிர்ச்சியடைந்துள்ளனர்.

இந்த புதிய விலை உயர்வின்படி, சென்னையில் இன்று ஒரு சவரன் (8 கிராம்) ஆபரணத் தங்கத்தின் விலை ரூ.1,08,000 என்ற புதிய மைல்கல்லை எட்டி விற்பனை செய்யப்பட்டு வருகிறது. அதேபோல், சில்லறை வர்த்தகத்தில் ஆபரணத் தங்கத்தின் விலை கிராமுக்கு ரூ.70 அதிகரித்து, ஒரு கிராம் தங்கம் ரூ.13,500-க்கு வாடிக்கையாளர்களுக்கு விற்பனை செய்யப்படுகிறது.

தங்கத்தின் விலை ஏற்றத்தைக் கண்டபோதிலும், வெள்ளி விலையில் இன்று எந்தவித மாற்றமும் இன்றி நிலைத்தன்மை காணப்படுகிறது. சென்னையில் சில்லறை வர்த்தகத்தில் வெள்ளியின் விலை மாற்றமின்றி ஒரு கிராம் ரூ.245-க்கு விற்பனையாகி வருகிறது. தொடர்ந்து ஏறுமுகத்தில் இருக்கும் தங்கத்தின் விலை எப்போது குறையும் என்ற எதிர்பார்ப்பில் நகை பிரியர்கள் காத்திருக்கின்றனர்.