மறதி நோயைத் தடுக்கும் ‘காபி & டீ’!
தினமும் 3 கப் காபி அல்லது 2 கப் டீ அருந்துவது ‘டிமென்ஷியா’ எனும் ஞாபக மறதி நோய் அபாயத்தை 20% வரை குறைப்பதாக ஹார்வர்ட் மருத்துவக் கல்லூரியின் 40 ஆண்டுகால ஆய்வு முடிவுகள் தெரிவிக்கின்றன
தினமும் காபி அல்லது டீ குடிப்பது உங்கள் மூளை ஆரோக்கியத்திற்கு நல்லது என்பது உங்களுக்குத் தெரியுமா? ஹார்வர்ட் மருத்துவக் கல்லூரி நடத்திய புதிய ஆய்வின்படி, தினமும் 3 கப் காபி அல்லது 2 கப் டீ குடிப்பவர்களுக்கு ‘டிமென்ஷியா’ எனப்படும் ஞாபக மறதி நோய் ஏற்படும் அபாயம் 20% வரை குறைகிறது.
சுமார் 1.31 லட்சம் பேரிடம் 40 ஆண்டுகளுக்கும் மேலாக நடத்தப்பட்ட இந்த ஆய்வில், காஃபின் கொண்ட பானங்கள் நினைவுத்திறன் சரிவைத் தடுப்பது உறுதியாகியுள்ளது. இதிலுள்ள ‘பாலிபினால்கள்’ மூளைச் செல்கள் சேதமடைவதைத் தடுத்து, வீக்கத்தைக் குறைப்பதே இதற்கு முக்கியக் காரணமாகும்.
இருப்பினும், ஒரு நாளைக்கு 3 கப்புகளுக்கு மேல் அருந்துவதால் கூடுதல் பலன்கள் ஏதுமில்லை என்றும், அளவான பயன்பாடே சிறந்தது என்றும் டாக்டர் டேனியல் வாங் குறிப்பிட்டுள்ளார். மூளை ஆரோக்கியத்தைப் பேண உதவும் இந்த எளிய பழக்கம், எதிர்காலத்தில் நரம்பியல் சார்ந்த பிரச்சனைகளைக் குறைக்க உதவும் ஒரு முக்கிய உணவுமுறைத் தீர்வாகப் பார்க்கப்படுகிறது.
