GOLD PRICE:தங்கம் விலை அதிரடி உயர்வு!

தொடர் வீழ்ச்சிக்கு முற்றுப்புள்ளி வைத்து சென்னையில் இன்று தங்கம் விலை மீண்டும் அதிரடியாக உயரத் தொடங்கியுள்ளது.

கடந்த சில நாட்களாக வரலாறு காணாத உச்சத்தைத் தொட்ட தங்கம் விலை, தற்போது ஏற்ற இறக்கங்களுடன் காணப்படுகிறது. கடந்த ஜனவரி 29-ம் தேதி ஒரு சவரன் தங்கம் ரூ.1,34,400 என்ற இமாலய விலையை எட்டி அதிர்ச்சியை ஏற்படுத்தியது. அதன் பிறகு தொடர்ந்து மூன்று நாட்களாக விலை சரிவைச் சந்தித்தது. குறிப்பாக, கடந்த மூன்று நாட்களில் மட்டும் ஒரு சவரனுக்கு ரூ.22,800 வரை குறைந்து, நேற்று ஒரு சவரன் ரூ.1,11,600-க்கு விற்பனை செய்யப்பட்டது.

இன்றைய விலை நிலவரம் (பிப்ரவரி 03, 2026): தொடர் சரிவுக்குப் பிறகு, சென்னையில் இன்று தங்கம் விலை மீண்டும் உயர்ந்துள்ளது. 22 கேரட் ஆபரணத் தங்கத்தின் விலை கிராமுக்கு ரூ.80 உயர்ந்து, ஒரு கிராம் ரூ.14,030-க்கும், சவரனுக்கு ரூ.640 உயர்ந்து, ஒரு சவரன் ரூ.1,12,240-க்கும் விற்பனை செய்யப்படுகிறது.

வெள்ளி விலை நிலவரம்: தங்கம் விலை உயர்ந்த போதிலும், இன்று வெள்ளியின் விலை கணிசமாகக் குறைந்துள்ளது. வெள்ளி கிராமுக்கு ரூ.20 குறைந்து, ஒரு கிராம் ரூ.280-க்கும், ஒரு கிலோ பார் வெள்ளி ரூ.2,80,000-க்கும் விற்பனையாகிறது. கடந்த வாரம் உச்சத்தில் இருந்த தங்கம் விலை தற்போது சற்றே குறைந்து மீண்டும் உயரத் தொடங்கியுள்ளது நகைப்பிரியர்களிடையே கலவையான உணர்வை ஏற்படுத்தியுள்ளது.

ஐந்து நாள் தங்கம் விலை நிலவரம்:-

2-2-2026- ஒரு பவுன் (22 காரட்) ரூ.1,11,600
1-2-2026- ஒரு பவுன் (22 காரட்) ரூ.1,19,200
31-1-2026- ஒரு பவுன் (22 காரட்) ரூ.1,19,200
30-1-2026- ஒரு பவுன் (22 காரட்) ரூ.1,26,800
29-1-2026- ஒரு பவுன் (22 காரட்) ரூ.1,34,400

ஐந்து நாள் வெள்ளி விலை நிலவரம்:-

2-2-2026- ஒரு கிராம் ரூ.300
1-2-2026- ஒரு கிராம் ரூ.320
31-1-2026- ஒரு கிராம் ரூ.320
30-1-2026- ஒரு கிராம் ரூ.405
29-1-2026- ஒரு கிராம் ரூ.425