GOLD PRICE TODAY: சென்னையில் தங்கம் விலை அதிரடி உயர்வு!
சென்னையில் ஆபரணத் தங்கத்தின் விலை ஒவ்வொரு நாளும் ராக்கெட் வேகத்தில் உயர்ந்து புதிய உச்சத்தைத் தொட்டு வருவது, நகை வாங்கத் திட்டமிட்டுள்ள இல்லத்தரசிகள் மற்றும் முதலீட்டாளர்கள் மத்தியில் மிகுந்த கவலையையும் அதிர்ச்சியையும் ஏற்படுத்தியுள்ளது!
சென்னையில் ஆபரணத் தங்கத்தின் விலை ஒவ்வொரு நாளும் கட்டுக்கடங்காமல் உயர்ந்து புதிய உச்சத்தைத் தொட்டு வருகிறது. இந்தத் தொடர் விலை உயர்வால், திருமணங்கள் உள்ளிட்ட சுப காரியங்களுக்கு நகை வாங்கக் காத்திருக்கும் நடுத்தர குடும்பத்தினரும், முதலீட்டாளர்களும் மிகுந்த கவலையடைந்துள்ளனர்.
தங்கம் விலை நிலவரம், இன்று ஆபரணத் தங்கத்தின் விலை கிராமுக்கு 40 ரூபாய் அதிகரித்து, ஒரு கிராம் ரூ.14,930-க்கு விற்பனை செய்யப்படுகிறது. இதன் தொடர்ச்சியாக, சவரனுக்கு 320 ரூபாய் உயர்ந்து, ஒரு சவரன் தங்கம் ரூ.1,19,440 என்ற புதிய உச்சத்தைத் தொட்டுள்ளது. கடந்த மூன்று நாட்களில் மட்டுமே சவரனுக்கு சுமார் 2,000 ரூபாய் வரை விலை ஏறியுள்ளது பொதுமக்களிடையே பெரும் கலக்கத்தை ஏற்படுத்தியுள்ளது.
தங்கத்தின் விலையேற்றத்தைப் பின்பற்றி, வெள்ளியின் விலையும் இன்று அதிரடியாக உயர்ந்துள்ளது. நேற்று சற்றே குறைந்திருந்த வெள்ளி விலை, இன்று மீண்டும் ஏற்றம் கண்டுள்ளது. இன்றைய நிலவரப்படி, ஒரு கிராம் வெள்ளிக்கு 5 ரூபாய் உயர்ந்து, ஒரு கிராம் ரூ.295-க்கும், ஒரு கிலோ பார் வெள்ளி ரூ.2,95,000-க்கும் விற்பனையாகிறது.
சர்வதேச சந்தையில் நிலவும் பொருளாதார மாற்றங்கள் மற்றும் உலகளாவிய சூழல்களே இந்தத் தொடர் விலை உயர்விற்குக் காரணமாகக் கூறப்படுகிறது. தங்கம் மற்றும் வெள்ளி என இரண்டுமே சாமானிய மக்களின் எட்டாக்கனியாக மாறி வருவது குறிப்பிடத்தக்கது.
ஐந்து நாள் தங்கம் விலை நிலவரம்:-
24-02-2026- ஒரு பவுன் (22 காரட்) ரூ.1,19,120
23-02-2026- ஒரு பவுன் (22 காரட்) ரூ.1,18,880
22-02-2026- ஒரு பவுன் (22 காரட்) ரூ.1,17,440
21-02-2026- ஒரு பவுன் (22 காரட்) ரூ.1,17,440
20-02-2026- ஒரு பவுன் (22 காரட்) ரூ.1,15,360
ஐந்து நாள் வெள்ளி விலை நிலவரம்:-
24-02-2026- ஒரு கிராம் ரூ.290
23-02-2026- ஒரு கிராம் ரூ.300
22-02-2026- ஒரு கிராம் ரூ.290
21-02-2026- ஒரு கிராம் ரூ.290
20-02-2026- ஒரு கிராம் ரூ.270
