GOLD PRICE:தங்கம் விலை அதிரடி உயர்வு!
சென்னையில் இன்று அதிரடியாகக் குறைந்த தங்கம் விலை
2026-ஆம் ஆண்டின் தொடக்கத்திலிருந்தே தங்கம் மற்றும் வெள்ளி விலையானது வரலாறு காணாத வகையில் புதிய உச்சங்களைத் தொட்டு வருகிறது. ஆண்டின் முதல் நாளில் ஒரு சவரன் ரூ.99,520-க்கு விற்பனை செய்யப்பட்ட தங்கம், அதன் பிறகு யாரும் எதிர்பாராத வகையில் அதிரடி உயர்வைக் கண்டது. குறிப்பாக, கடந்த ஜனவரி 12-ஆம் தேதிக்குப் பிறகு ஏற்பட்ட விலை ஏற்றம் நடுத்தரக் குடும்பத்தினருக்குப் பெரும் அதிர்ச்சியை அளிக்கும் வகையில் அமைந்தது.
தாறுமாறாக எகிறிய தங்கம் விலை கடந்த சில நாட்களாகத் தங்கத்தின் விலையானது யாரும் எதிர்பாராத வகையில் மிக வேகமாக அதிகரித்து வருகிறது. நேற்று முன்தினம் ஒரே நாளில் மட்டும் சவரனுக்கு ரூ.5,200 அதிகரித்து, ஒரு சவரன் ரூ.1.24 லட்சத்தைக் கடந்தது. அதன் தொடர்ச்சியாக நேற்றும் விலை உயர்வு நீடித்தது. நேற்று ஒரே நாளில் சவரனுக்கு ரூ.9,520 அதிகரித்து, ஒரு சவரன் தங்கம் ரூ.1,34,400 என்ற மலைக்கவைக்கும் விலைக்கு விற்கப்பட்டது. இந்த ஜனவரி மாதத்தின் கடந்த 29 நாட்களில் மட்டும் சவரனுக்கு ரூ.34,880 உயர்ந்துள்ளது குறிப்பிடத்தக்கது.
இன்று அதிரடியாகக் குறைந்த விலை தொடர்ந்து உச்சத்தில் இருந்து வந்த தங்கம் விலை, இன்று வாடிக்கையாளர்களுக்குச் சற்று நிம்மதி அளிக்கும் வகையில் அதிரடியாகக் குறைந்துள்ளது. சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ.4,800 குறைந்து, ரூ.1,29,600-க்கு விற்பனை செய்யப்படுகிறது. ஒரு கிராம் தங்கத்தின் விலை ரூ.600 சரிந்து ரூ.16,200-ஆக உள்ளது.
வெள்ளி விலையிலும் இன்று சரிவு காணப்படுகிறது. ஒரு கிராம் வெள்ளி ரூ.10 குறைந்து ரூ.415-க்கும், ஒரு கிலோ பார் வெள்ளி ரூ.4,15,000-க்கும் விற்பனை செய்யப்படுகிறது. கடந்த சில நாட்களாக எகிறி வந்த விலை உயர்வு இன்று சற்று தணிந்திருப்பது, நகை வாங்குவோரிடையே மகிழ்ச்சியை ஏற்படுத்தியுள்ளது.
ஐந்து நாள் தங்கம் விலை நிலவரம்:-
29-1-2026- ஒரு பவுன் (22 காரட்) ரூ.1,34,400
28-1-2026- ஒரு பவுன் (22 காரட்) ரூ.1,24,880
27-1-2026- ஒரு பவுன் (22 காரட்) ரூ.1,19,680
26-1-2026- ஒரு பவுன் (22 காரட்) ரூ.1,20,200
25-1-2026- ஒரு பவுன் (22 காரட்) ரூ.1,18,000
ஐந்து நாள் வெள்ளி விலை நிலவரம்:-
29-1-2026- ஒரு கிராம் ரூ.425
28-1-2026- ஒரு கிராம் ரூ.400
27-1-2026- ஒரு கிராம் ரூ.387
26-1-2026- ஒரு கிராம் ரூ.375
25-1-2026- ஒரு கிராம் ரூ.365
