GOLD PRICE-தங்கம் விலை புதிய உச்சத்தை அடைந்திருக்கின்றது!

தங்கம் மற்றும் வெள்ளி விலை முன் எப்போதும் இல்லாத அளவுக்கு உயர்ந்து, புதிய சாதனை படைத்து பொதுமக்களுக்குப் பெரும் அதிர்ச்சியை ஏற்படுத்தியுள்ளது.

தங்கம் விலை கடந்த ஓராண்டாகவே தொடர்ந்து ஏறுமுகத்தில் இருந்து வருகிறது. சந்தையில் விலை அவ்வப்போது மாற்றங்களைச் சந்தித்தாலும், தற்போது யாரும் எதிர்பாராத வகையில் ஒரு புதிய வரலாற்று உச்சத்தை எட்டியுள்ளது. ஒரு சவரன் தங்கம் ரூ. 1 லட்சத்தைத் தாண்டுமா என்ற எதிர்பார்ப்பு நிலவிய சூழலில், தற்போது அந்த நிலையைத் தாண்டி விலை தொடர்ந்து அதிகரித்து வருகிறது.

சென்னையில் இன்று ஆபரணத் தங்கத்தின் விலை குறிப்பிடத்தக்க அளவில் உயர்ந்துள்ளது. இன்று ஒரே நாளில் மட்டும் சவரனுக்கு ரூ. 2,800 அதிகரித்து, ஒரு சவரன் ஆபரணத் தங்கம் ரூ. 1,14,000 என்ற விலைக்கு விற்பனை செய்யப்படுகிறது. ஒரு கிராம் தங்கம் ரூ. 14,250-க்கு விற்கப்படுகிறது. கடந்த ஒரு வாரத்தில் மட்டும் சவரனுக்கு ரூ. 5,840 வரை உயர்ந்திருப்பது பொதுமக்களிடையே பெரும் கவனத்தைப் பெற்றுள்ளது.

தங்கத்தின் விலை உயர்விற்கு இணையாக வெள்ளியின் விலையும் தற்பொழுது வேகமாக அதிகரித்து வருகிறது. ஒரு கிலோ வெள்ளி ரூ. 1 லட்சத்தை எட்டும் என்று கணிக்கப்பட்ட நிலையில், தற்போது அந்த விலையை விட பல மடங்கு உயர்ந்து ரூ. 3 லட்சத்தையும் கடந்து புதிய விலைப் பட்டியலில் இடம்பிடித்துள்ளது.

நேற்று ஒரே நாளில் மட்டும் கிலோவுக்கு ரூ. 22,000 உயர்ந்து, ஒரு கிலோ வெள்ளி ரூ. 3,40,000 என்ற விலையை எட்டியுள்ளது. சர்வதேச சந்தையில் நிலவும் பொருளாதார மாற்றங்கள் காரணமாக இந்த விலை ஏற்றம் தொடர்கிறது. இந்த ஆண்டு இறுதியில் எதிர்பார்க்கப்பட்ட விலை நிலவரம், இந்த மாத இறுதிக்குள்ளேயே எட்டப்படும் என்று கணிக்கப்படுவதால் நகைக்கடைகளில் மக்கள் கூட்டம் மிகுந்த கவலையுடன் காணப்படுகிறது.

ஐந்து நாள் தங்கம் விலை நிலவரம்:-
20-1-2026- ஒரு பவுன் (22 காரட்) ரூ.1,11,200
19-1-2026- ஒரு பவுன் (22 காரட்) ரூ.1,07,600
18-1-2026- ஒரு பவுன் (22 காரட்) ரூ.1,06,240
17-1-2026- ஒரு பவுன் (22 காரட்) ரூ.1,06,240
16-1-2026- ஒரு பவுன் (22 காரட்) ரூ.1,05,840

ஐந்து நாள் வெள்ளி விலை நிலவரம்:-
20-1-2026- ஒரு கிராம் ரூ.340
19-1-2026- ஒரு கிராம் ரூ.318
18-1-2026- ஒரு கிராம் ரூ.310
17-1-2026- ஒரு கிராம் ரூ.310
16-1-2026- ஒரு கிராம் ரூ.306