டெஸ்ட் தொடரில் நியூசிலாந்துக்கு பெரிய இழப்பு 3 பேர் விலகல்!
நியூசிலாந்து vs வெஸ்ட் இண்டீஸ் டெஸ்ட் தொடரில், காயம் காரணமாக நியூசிலாந்து வீரர்கள் மூவர் விலகியதால் அணிக்கு பின்னடைவு ஏற்பட்டுள்ளது.
வெஸ்ட் இண்டீஸ் அணி மூன்று வடிவிலான கிரிக்கெட் தொடருக்காக நியூசிலாந்து சுற்றுப்பயணம் மேற்கொண்டுள்ளது. முதலில் நடைபெற்ற டி20 தொடரையும், அதன் பின்னர் நடந்த ஒருநாள் தொடரையும் நியூசிலாந்து வென்றது. தற்போது இரண்டு அணிகளும் 3 போட்டிகள் கொண்ட டெஸ்ட் தொடரில் மோதுகின்றன.
முதல் டெஸ்ட் போட்டி சுவாரஸ்யமாக நடைபெற்ற நிலையில் டிரா என முடிவு செய்யப்பட்டது. இதையடுத்து, 2வது டெஸ்ட் போட்டி வரும் டிசம்பர் 10ஆம் தேதி தொடங்கவுள்ளது.
இந்நிலையில், நியூசிலாந்து அணிக்கு பெரிய அதிர்ச்சியாக, மூன்று வீரர்கள் காயம் காரணமாக தொடரிலிருந்து விலகியுள்ளனர். அவர்களில் சுழற்பந்து வீச்சாளர் மிட்செல் சாட்னர், வேகப்பந்து வீச்சாளர் ஹென்றி, மற்றும் நாதன் ஸ்மித் அடங்குவர்.
ஹென்றி மற்றும் ஸ்மித் முதல் டெஸ்ட் போட்டி நடக்கும் போது காயமடைந்தனர்.
மிட்செல் சாட்னர் முதல் போட்டிக்கும் முன்பே காயம் காரணமாக விளையாடவில்லை.
இவர்கள் இல்லாதது, வரவிருக்கும் போட்டியில் நியூசிலாந்து அணிக்கு ஒரு பெரிய பின்னடைவு என நிபுணர்கள் கூறுகின்றனர்.
