மகளிர் தினம் ஒவ்வொரு ஆண்டும் மார்ச் 8 ஆம் தேதி கொண்டாடப்படுகிறது. இது பெண்களின் சாதனைகளைப் பாராட்டுவதற்கும், அவர்களின் உரிமைகளை வலியுறுத்துவதற்கும் ஒரு முக்கியமான நாளாகும். நவீன உலகில், பெண்கள் பல்வேறு துறைகளில் முன்னேறி, அதிகாரப்பூர்வமான நிலைகளை அடைந்து வருகின்றனர். ஆனால், எதிர்காலத்தில் அவர்களின் அதிகாரம் எப்படி இருக்கப் போகிறது?
கல்வி மற்றும் வேலைவாய்ப்பு
கல்வியில் பெண்கள் முன்னேற்றம் காண்கிறார்கள். இந்தியாவிலும், உலக அளவிலும் பெண்களின் கல்வி சதவீதம் அதிகரித்துள்ளது. உயர்கல்வியில் அதிகமாக சேரும் பெண்கள், வேலையுற்பத்தி மற்றும் தொழில் முனைவில் புதிய இலக்குகளை எட்டிக் கொண்டிருக்கிறார்கள். கல்வியில் பெண்கள் அடைந்த முன்னேற்றம் அவர்களின் சமூக, பொருளாதார நிலையை மாற்றி அமைத்துள்ளது. இன்று, பல பெண்கள் உயர் கல்வி பெற்று, மருத்துவம், பொறியியல், அறிவியல், மேலாண்மை போன்ற துறைகளில் முக்கியமான இடங்களை பிடித்துள்ளனர். கல்வியில் பெண்கள் அடைந்த முன்னேற்றம் அவர்களின் சமூக, பொருளாதார நிலையை மாற்றி அமைத்துள்ளது
ஆனால், இன்னும் தொழில் துறையில் அவர்களுக்கு எதிராக உள்ள சவால்கள் நீங்கவில்லை. ஒரு நிறுவனத்தில், ஆண்களுடன் சமமாக அவர்களுக்கு வாய்ப்புகள் தரப்படுவதா? மேல் மேலாண்மை நிலைகளில் பெண்கள் எவ்வளவு பேர் இருக்கிறார்கள்? இதுபோன்ற கேள்விகள் இன்னும் தீர்க்கப்பட வேண்டியவை. எதிர்காலத்தில், பெண்கள் தொழில் துறையில் அதிகபட்ச நிலையை அடைய, அரசு மற்றும் தனியார் துறைகள் அவர்களுக்கு மேம்பாட்டு திட்டங்களை உருவாக்க வேண்டும்.பெண்கள் மேலாண்மை நிலைகளில் அதிகமாக சேர, சமூக மாற்றங்கள் அவசியம்.
அரசியல் அதிகாரத்தில் பெண்களின் பங்கு
பழங்காலத்தில் இருந்து அரசியல் துறையில் பெண்களுக்கு குறைவான இடமே இருந்தது. ஆனால், இன்றைய உலகில் பெண்கள் அரசியலில் பங்கேற்கின்றனர். அரசியலில் பெண்கள் பங்காற்றுவது என்பது எந்த ஒரு நாட்டின் வளர்ச்சிக்கும் முக்கியமானது. உலகில் பல நாடுகளில் பெண்கள் மிகப்பெரிய தலைவர்களாக உருவாகி வருகின்றனர். இந்தியாவில் பெண்கள் நாடாளுமன்றம் மற்றும் சட்டமன்றங்களில் கணிசமான அளவில் இடம் பெறும் நிலை உருவாகியுள்ளது. இது மிகவும் எதிர்பார்க்கப்பட்ட முன்னேற்றம். ஆனாலும் இந்த பிரதிநிதித்துவம் இன்னும் அதிகரிக்கப்பட வேண்டும்.
அதே சமயம், இன்னும் பெண்கள் அரசியலில் தடைகளை சந்திக்கின்றனர். அவர்களின் குரல் பலமாக ஒலிக்க, குடும்பம் மற்றும் சமூகத்திலிருந்து ஊக்கமளிக்கும் ஒரு மாற்றம் தேவை. எதிர்காலத்தில், பெண்கள் அரசியல் கட்டமைப்பில் முக்கிய முடிவுகளை எடுக்க வேண்டும். எதிர்காலத்தில், மேலும் அதிகமான பெண்கள் முடிவெடுப்பதில் இடம் பெறுவார்கள் என எதிர்பார்க்கப்படுகிறது.
தொழில்நுட்பத்திலும், தொழில்துறையிலும் பெண்களின் சாதனை
நவீன உலகில் தொழில்நுட்ப வளர்ச்சி மிக வேகமாக மாற்றங்களை ஏற்படுத்துகிறது. நவீன தொழில்நுட்ப வளர்ச்சியில் பெண்கள் ஒரு முக்கிய இடத்தை பிடிக்கின்றனர். தகவல் தொழில்நுட்பம், ஆராய்ச்சி, மருத்துவம் போன்ற பல துறைகளில் பெண்களின் பங்களிப்பு அதிகரித்து வருகிறது. என்றாலும், Artificial Intelligence (AI), Robotics, Data Science, Biotechnology, Space Research போன்ற துறைகளில் பெண்கள் அதிகமாக ஈடுபட வேண்டும். இப்போது கூட, விஞ்ஞானம் மற்றும் தொழில்நுட்ப துறையில் பெண்களின் பங்கு குறைவாகவே காணப்படுகிறது. இது இன்னும் அதிகரிக்க வேண்டியது அவசியம். பெண்கள் புதுப்பிப்பு ஆராய்ச்சியில் ஈடுபட்டு, தொழில்நுட்ப உலகில் முன்னணியில் வர, கல்வியமைப்பும், தொழில் வாய்ப்புகளும் அவர்களுக்கு சாதகமாக அமைக்கப்பட வேண்டும்.
சமத்துவம் மற்றும் சவால்கள்
இன்றும் உலகம் முழுவதும் பெண்கள் பல சவால்களை எதிர்கொள்கிறார்கள். பாலியல் அத்துமீறல், வீட்டிலிருந்து வேலை செய்யும் இடம் வரை எதிர்ப்படும் வேறுபாடுகள், சமத்துவமின்மை ஆகியவை இன்னும் நீங்க வேண்டியவை. குடும்ப பொறுப்புகள் மற்றும் சமூக நம்பிக்கைகள், பெண்களை கட்டுப்படுத்தும் முக்கிய காரணியாக உள்ளன. ஆனால், இப்போது பெண்கள் இதற்கு எதிராக குரல் எழுப்பி வருகின்றனர். தொழில் மற்றும் சமூக வாழ்வில், அவர்களுக்கு வழங்கப்படும் ஆதரவை அதிகரிக்க, ஆண்களும் சமமாக ஒத்துழைக்க வேண்டும். பெண்களுக்கு எதிரான வன்முறைகள் குறைய, சட்ட ரீதியான பாதுகாப்பும், சமூக மாற்றமும் அவசியமாகிறது.
பெண்களின் எதிர்கால அதிகாரம்
பெண்கள் இன்று பல துறைகளில் முன்னேறி வருகிறார்கள். ஆனால், முழுமையான சமத்துவத்தை அடைய, கல்வி, வேலைவாய்ப்பு, அரசியல், தொழில்நுட்பம் போன்ற பல துறைகளில் மாற்றங்கள் தேவை. சமூகத்திலும், குடும்பத்திலும் பெண்களுக்கு அதிக ஆதரவு கிடைத்தால், அவர்கள் பல்வேறு துறைகளில் தலைமை பெறுவார்கள். எதிர்காலத்தில் பெண்கள் உலகை மேலும் மாற்றும் சக்தியாக உருவாகுவார்கள் என்பதில் சந்தேகமில்லை.
மகளிர் தினம் ஒருநாள் கொண்டாட்டமல்ல, இது சமத்துவம் மற்றும் உரிமைக்கான தொடர்ச்சியான போராட்டம் என்பதில் நாம் உறுதியாக இருக்க வேண்டும்.
மகளிர் தின வாழ்த்துகள்..!