சென்னை சென்ட்ரல் – அரக்கோணம் மின்சார ரயில்கள் பகுதி நேர ரத்து… முழு விவரம்!

அரக்கோணம் பணிமனையில் இன்று மற்றும் நாளை மதியம் 2.40 மணி முதல் மாலை 6.40 மணி வரையில் பராமரிப்பு பணி நடைபெற இருப்பதால், சென்னை சென்ட்ரல் – அரக்கோணம் வழித்தடத்தில், சில மின்சார ரயில்கள் பகுதி நேர ரத்து செய்யப்படுவதாக தெற்கு ரயில்வே தெரிவித்துள்ளது.

சென்னை சென்ட்ரல் – அரக்கோணம்

சென்னை சென்ட்ரலில் இருந்து மதியம் 12.40, 1.25 மாலை 3.50, 4.45 ஆகிய நேரங்களில் புறப்பட்டு அரக்கோணம் செல்லும் மின்சார ரயில், திருவள்ளூர் – அரக்கோணம் இடையே இன்றும் நாளையும் பகுதி நேரமாக ரத்து செய்யப்படுகிறது. மறுமார்க்கமாக, அரக்கோணத்தில் இருந்து மாலை 3.40, 4.50, 6 ஆகிய நேரங்களில் புறப்பட்டு சென்ட்ரல் வரும் மின்சார ரயில், அரக்கோணம் – திருவள்ளூர் இடையே பகுதி நேரமாக ரத்து செய்யப்படுகிறது.

சென்னை சென்ட்ரல் – திருத்தணி

அதேபோன்று, சென்ட்ரலில் இருந்து இன்று மற்றும் நாளை மதியம் 2.15, மாலை 3.15 ஆகிய நேரங்களில் புறப்பட்டு திருத்தணி செல்லும் மின்சார ரயில், திருவள்ளூர் – திருத்தணி இடையே பகுதி நேரமாக ரத்து செய்யப்படுகிறது. மறுமார்க்கமாக, திருத்தணியிலிருந்து இன்று மற்றும் நாளை மாலை 3.45, 5, 6.20 ஆகிய நேரங்களில் புறப்பட்டு, சென்ட்ரல் வரும் மின்சார ரயில், திருத்தணி – திருவள்ளூர் இடையே பகுதி நேரமாக ரத்து செய்யப்படுகிறது.

சென்னை கடற்கரை – அரக்கோணம்

மேலும் சென்னை கடற்கரையிலிருந்து இன்று மற்றும் நாளை மதியம் 2.25 மணிக்கு புறப்பட்டு அரக்கோணம் செல்லும் மின்சார ரயில், திருவள்ளூர் – அரக்கோணம் இடையே பகுதி நேரமாக ரத்து செய்யப்படுகிறது. மறுமார்க்கமாக, அரக்கோணத்தில் இருந்து இன்று மற்றும் நாளை மாலை 4.15 மணிக்கு புறப்பட்டு, சென்னை கடற்கரை வரும் மின்சார ரயில், அரக்கோணம்- திருவள்ளூர் இடையே பகுதி நேர ரத்து செய்யப்படுவதாக தெற்கு ரயில்வே மேலும் தெரிவித்துள்ளது.