கூகுள் பே (Google Pay) செயலியைப் பயன்படுத்தும் கோடிக்கணக்கான வாடிக்கையாளர்களுக்கு ஒரு மகிழ்ச்சியான செய்தி வெளியாகியுள்ளது. இந்தியாவில் டிஜிட்டல் பணப்பரிவர்த்தனையை அடுத்த கட்டத்திற்கு எடுத்துச் செல்லும் வகையில், கூகுள் நிறுவனம் தனது முதல் கிரெடிட் கார்டான ‘Flex by Google Pay’ என்பதை அறிமுகப்படுத்தியுள்ளது.
இது சாதாரண கார்டு அல்ல: ஆக்சிஸ் வங்கியுடன் (Axis Bank) இணைந்து அறிமுகப்படுத்தப்பட்டுள்ள இந்த டிஜிட்டல் கிரெடிட் கார்டு, இந்திய தேசிய கொடுப்பனவு கழகத்தின் (NPCI) ரூபே (RuPay) நெட்வொர்க்கில் செயல்படுகிறது. இதனால், பயனர்கள் இந்தக் கார்டை நேரடியாகத் தங்கள் கூகுள் பே UPI கணக்குடன் இணைத்துக்கொள்ள முடியும்.
சிறப்பம்சங்கள் என்ன?
1.கார்டு தேவையில்லை: இந்தக் கார்டைப் பயன்படுத்திக் கடைகளில் உள்ள QR கோடை ஸ்கேன் செய்தோ அல்லது ஆன்லைனிலோ எளிதாகப் பணம் செலுத்தலாம். பர்ஸில் கிரெடிட் கார்டை எடுத்துச் செல்ல வேண்டிய அவசியமில்லை.
2.உடனடி கேஷ்பேக் (Instant Rewards): பொதுவாக மற்ற கிரெடிட் கார்டுகளில் மாத இறுதியில்தான் ரிவார்ட்ஸ் அல்லது கேஷ்பேக் வரவு வைக்கப்படும். ஆனால், கூகுளின் இந்த ‘Flex’ கார்டில் ஒவ்வொரு பரிவர்த்தனை முடிந்தவுடனும் வெகுமதி புள்ளிகள் வழங்கப்படும். அதை உங்களின் அடுத்த பர்ச்சேஸுக்கே உடனடியாகப் பயன்படுத்திக்கொள்ளலாம்.
3எளிமையான பயன்பாடு: ஏற்கனவே பேடிஎம் (Paytm), எஸ்பிஐ (SBI), கிரெட் (Cred) போன்றவை UPI கிரெடிட் கார்டுகளை வழங்கினாலும், கூகுள் பே-வின் எளிமையான இடைமுகம் (Interface) மற்றும் உடனடி ரிவார்ட்ஸ் வசதி வாடிக்கையாளர்களை வெகுவாகக் கவரும் என எதிர்பார்க்கப்படுகிறது.
டிஜிட்டல் பரிவர்த்தனையில் ஆதிக்கம் செலுத்தி வரும் கூகுள் பே, இந்த புதிய வரவு மூலம் கிரெடிட் கார்டு சந்தையிலும் ஒரு கலக்கு கலக்கத் தயாராகிவிட்டது!