சென்னையில் இரண்டாவது நாளாக தங்கம் விலை சரிந்து வருவது நகைப்பிரியர்களிடையே பெரும் மகிழ்ச்சியை ஏற்படுத்தியுள்ளது.
சென்னையில் கடந்த சில நாட்களாக புதிய உச்சத்தைத் தொட்டு வந்த ஆபரணத் தங்கத்தின் விலை, தற்போது தொடர்ந்து சரிவைக் கண்டு வருவது பொதுமக்களிடையே நிம்மதியை ஏற்படுத்தியுள்ளது. நேற்று தங்கம் விலை கிராமுக்கு ரூ.580 குறைந்து ஒரு சவரன் ரூ.1,14,560-க்கு விற்பனையான நிலையில், இன்றும் விலையில் மேலும் வீழ்ச்சி ஏற்பட்டுள்ளது.
நகைப்பிரியர்களுக்கு மகிழ்ச்சி தரும் செய்தியாக, சென்னையில் இன்று தங்கம் விலை கிராமுக்கு ரூ.200-உம், சவரனுக்கு ரூ.1,600-உம் குறைந்து முறையே ரூ.14,120 மற்றும் ரூ.1,12,960 என விற்பனையாகி வருகிறது. தங்கத்தைப் போலவே வெள்ளி விலையும் கிராமுக்கு ரூ.20 குறைந்து, ஒரு கிராம் வெள்ளி ரூ.280-க்கும், ஒரு கிலோ பார் வெள்ளி ரூ.2,80,000-க்கும் விற்பனையாகிறது. கடந்த சில நாட்களாக காலை மற்றும் மாலை என இருவேளைகளிலும் உயர்ந்து மக்களை அதிர்ச்சியில் ஆழ்த்திய விலை, தற்போது இரண்டாவது நாளாகக் குறைந்து வருவது சந்தையில் சாதகமான சூழலை ஏற்படுத்தியுள்ளது.
ஐந்து நாள் தங்கம் விலை நிலவரம்:-
05-02-2026- ஒரு பவுன் (22 காரட்) ரூ.1,14,560
04-02-2026- ஒரு பவுன் (22 காரட்) ரூ.1,19,200
03-02-2026- ஒரு பவுன் (22 காரட்) ரூ.1,14,160
02-02-2026- ஒரு பவுன் (22 காரட்) ரூ.1,11,600
01-02-2026- ஒரு பவுன் (22 காரட்) ரூ.1,19,200
ஐந்து நாள் வெள்ளி விலை நிலவரம்:-
05-02-2026- ஒரு கிராம் ரூ.300
04-02-2026- ஒரு கிராம் ரூ.320
03-02-2026- ஒரு கிராம் ரூ.300
02-02-2026- ஒரு கிராம் ரூ.300
01-02-2026- ஒரு கிராம் ரூ.320