சென்னையில் நேற்று குறைந்த தங்கம் விலை இன்று மீண்டும் உயர்வு
சென்னையில் ஆபரணத் தங்கத்தின் விலை கடந்த சில நாட்களாகவே கடும் ஏற்ற இறக்கங்களைச் சந்தித்து வரும் நிலையில், இன்று விலை மீண்டும் ஏறுமுகமாகத் திரும்பியுள்ளது நகை வாங்குவோரிடையே பெரும் அதிர்ச்சியை ஏற்படுத்தியுள்ளது. கடந்த 9-ம் தேதி ஒரு சவரன் தங்கம் ரூ.1,17,200 என்ற வரலாற்று உச்சத்தைத் தொட்ட பிறகு, நேற்று அதன் விலை சற்று குறைந்து காணப்பட்டது. இருப்பினும், நேற்று விலை குறைந்ததால் ஏற்பட்ட மகிழ்ச்சி மறைவதற்குள், இன்று மீண்டும் சென்னையில் சவரனுக்கு ரூ.160 உயர்ந்து, ஒரு சவரன் தங்கம் ரூ.1,16,800-க்கு விற்பனையாகிறது. அதேபோல், ஒரு கிராம் தங்கம் ரூ.14,600-க்கு விற்பனை செய்யப்படுகிறது. தங்கத்தின் விலை மீண்டும் ஏறுமுகமாகத் திரும்பியுள்ள போதிலும்,
வெள்ளி விலையில் கடந்த இரண்டு நாட்களாக எந்த மாற்றமும் இன்றி, ஒரு கிராம் ரூ.300-க்கும், ஒரு கிலோ பார் வெள்ளி ரூ.3 லட்சத்திற்கும் நிலைபெற்றுள்ளது.
ஐந்து நாள் தங்கம் விலை நிலவரம்:-
10-02-2026- ஒரு பவுன் (22 காரட்) ரூ.1,16,640
09-02-2026- ஒரு பவுன் (22 காரட்) ரூ.1,17,200
08-02-2026- ஒரு பவுன் (22 காரட்) ரூ.1,15,360
07-02-2026- ஒரு பவுன் (22 காரட்) ரூ.1,15,360
06-02-2026- ஒரு பவுன் (22 காரட்) ரூ.1,14,000
ஐந்து நாள் வெள்ளி விலை நிலவரம்:-
10-02-2026- ஒரு கிராம் ரூ.300
09-02-2026- ஒரு கிராம் ரூ.300
08-02-2026- ஒரு கிராம் ரூ.285
07-02-2026- ஒரு கிராம் ரூ.285
06-02-2026- ஒரு கிராம் ரூ.280