சென்னையில் தங்கம் விலை இன்று ஒரே நாளில் சவரனுக்கு ₹9,520 அதிரடியாக உயர்ந்து வரலாறு காணாத புதிய உச்சத்தைத் தொட்டு பொதுமக்களை அதிர்ச்சியில் ஆழ்த்தியுள்ளது.
தமிழகத்தில் தங்கம் விலை கட்டுக்கடங்காத காளையைப் போல வரலாறு காணாத புதிய உச்சத்தை எட்டியுள்ளது. சென்னையில் இன்று ஒரே நாளில் 22 கேரட் ஆபரணத் தங்கத்தின் விலை சவரனுக்கு ₹9,520 அதிரடியாக உயர்ந்து, ஒரு சவரன் ₹1,34,400-க்கு விற்பனை செய்யப்படுகிறது. அதேபோல், ஒரு கிராம் தங்கத்தின் விலை ₹1,190 அதிகரித்து ₹16,800-ஐத் தொட்டுள்ளது. கடந்த 10 நாட்களில் மட்டும் சவரனுக்கு ₹18,640 வரை விலை உயர்ந்துள்ளதால் நடுத்தர மக்கள் அதிர்ச்சியில் உள்ளனர்.
தங்கத்தைத் தொடர்ந்து வெள்ளியின் விலையும் அதிரடியாக உயர்ந்து, ஒரு கிராம் வெள்ளி ₹425-க்கும், ஒரு கிலோ பார் வெள்ளி ₹4,25,000-க்கும் விற்பனை செய்யப்படுகிறது. இந்தத் தொடர் விலை ஏற்றம் காரணமாகத் தங்கம் எட்டாக்கனியாகிவிடுமோ என்ற அச்சம் மக்களிடையே நிலவி வருகிறது.
ஐந்து நாள் தங்கம் விலை நிலவரம்:-
28-1-2026- ஒரு பவுன் (22 காரட்) ரூ.1,24,880
27-1-2026- ஒரு பவுன் (22 காரட்) ரூ.1,19,680
26-1-2026- ஒரு பவுன் (22 காரட்) ரூ.1,20,200
25-1-2026- ஒரு பவுன் (22 காரட்) ரூ.1,18,000
24-1-2026- ஒரு பவுன் (22 காரட்) ரூ.1,18,000
ஐந்து நாள் வெள்ளி விலை நிலவரம்:-
28-1-2026- ஒரு கிராம் ரூ.400
27-1-2026- ஒரு கிராம் ரூ.387
26-1-2026- ஒரு கிராம் ரூ.375
25-1-2026- ஒரு கிராம் ரூ.365
24-1-2026- ஒரு கிராம் ரூ.365