தமிழகமும் புதுச்சேரியும் இன்று மிதமான மழை பெறக்கூடும் என சென்னை வானிலை ஆய்வு மையம் தெரிவித்துள்ளது.கடந்த 24 மணி நேரத்தில் (நேற்று காலை வரை) அதிக மழைப்பதிவு கோவை மாவட்டம் சின்னக்கல்லார் பகுதியில் பதிவாகியுள்ளது — 6 செ.மீ.
இதனை தொடர்ந்து,சோலையார் (கோவை) – 3 செ.மீ,வால்பாறை (கோவை) – 3 செ.மீ,செருமுள்ளி (நீலகிரி) – 3 செ.மீ என பல மலைப்பகுதிகளில் மிதமான மழை பதிவாகியுள்ளது.மத்திய கிழக்கு அரபிக்கடலில் உருவான காற்றழுத்த தாழ்வு மண்டலம் இன்றும் அதே பகுதியில் நீடித்து வருகிறது. இது நாளைக்குள் கிழக்கு திசையில் நகரக்கூடும் என வானிலை ஆய்வு மையம் தெரிவித்துள்ளது.
நவம்பர் 5 வரை மழை சாத்தியம் – தமிழகம் மற்றும் புதுச்சேரியில் இன்று முதல் நவம்பர் 5 வரை லேசானது முதல் மிதமானது வரை மழை பெய்ய வாய்ப்பு உள்ளது எனவும் அறிவிக்கப்பட்டுள்ளது.சென்னை மற்றும் புறநகர் பகுதிகளில் இன்றுவானம் ஓரளவு மேக மூட்டமாக காணப்படும்.சில பகுதிகளில் லேசான மழை ஏற்படும் வாய்ப்பு உள்ளது என வானிலை மையம் தெரிவித்துள்ளது.